✅Նոյեմբերի 3-4-ին կայացավ հանրային մշտադիտարկողների երկօրյա վերապատրաստման դասընթացը, որը կազմակերպվել էր Գերմանական միջազգային համագործակցության ընկերության (GIZ) և «Արմավիրի զարգացման կենտրոն» հասարակական կազմակերպության կողմից՝ «Ինտեգրված համայնքային զարգացում Հայաստանում» ծրագրի շրջանակում։

🙋‍♀️ Դասընթացին մասնակցեցին նաև մեր համայնքի ներկայացուցիչները։

📌Նախաձեռնության հիմնական նպատակն էր նպաստել տեղական ինքնակառավարման համակարգում հանրային վստահության ամրապնդմանը, ինչպես նաև խթանել քաղաքացիական ակտիվ մասնակցությունը համայնքային կառավարման և զարգացման գործընթացներում։

 Սիրելի` սոցիալական աշխատողներ,

 Ակունքի համայնքապետարանը սրտանց շնորհավորում է ձեզ մասնագիտական տոնի առթիվ։ Ձեր աշխատանքը մարդկային հոգատարության, նվիրումի և անսահման համբերության վառ օրինակն է։ Դուք ամեն օր սատարում եք կյանքի դժվարությունների առջև կանգնած մարդկանց՝ ցուցաբերելով աջակցություն, խրախուսանք և հավատ կյանքի հանդեպ։

 Ձեր հոգատար վերաբերմունքով, մարդասիրական սկզբունքներով և անշահախնդիր նվիրումով դուք ստեղծում եք ավելի համերաշխ ու բարեկեցիկ հասարակություն։ Թող ձեր առաքելությունը միշտ գնահատված լինի։

 Մաղթում ենք ձեզ առողջություն, անսպառ ուժ և հոգեկան տոկունություն՝ ձեր պատասխանատու և բարձրարժեք գործում նոր հաջողությունների հասնելու համար։

 Հարգանքներով` Ակունքի համայնքապետարան