Հունան Պատվականի Ռուբենյանը ծնվել է 1961թվականի հունվարի 5-ին Կոտայքի մարզի Ակունք գյուղում, կոլտնտեսականի ընտանիքում: 1968թ-ին ընդունվել է Ակունքի 8-ամյա դպրոցը, իսկ 1978թվականին ավարտել է Կոտայք գյուղի միջնակարգ դպրոցը: 1979թ-ին ընդունվել է Երևանի անասնաբուժական-անասնաբուծական ինստիտուտի անասնաբուծական ֆակուլտետի հեռակա բաժին: Սովորելու հետ զուգահեռ աշխատանքի է անցել Բալահովիտի ուսումնափորձնական տնտեսությունում, որպես անասնապահ, իսկ որոշ ժամանակ անց կաթնապրանքային ֆերմայի բրիգադիրի օգնական: 1979-1981թթ. զորակոչվել է Սովետական բանակ: 1982 թվականին զորցրվելուց հետո նորից աշխատանքի է անցել Բալահովիտի ուսումնափորձնական տնտեսությունում, որպես բրիգադիրի օգնական, այնուհետև բանվոր նույն ֆերմայում: 1994 թվականի փետրվարի 2-ից նշանակվել է վերոհիշյալ տնտեսությունում, որպես կաթնապրանքային ֆերմայի բրիգադիր և աշխատել է մինչև 1996թ-ի դեկտեմբերի 1-ը: 12.01.1996թ-ից ընտրվել է Ակունքի գյուղապետ և աշխատել է մինչև համայնքների խոշորացումը: 2017թ-ի նոյեմբերի 11-ին դադարեցվել է Ակունք համայնքի ղեկավարի լիազորությունները: Համայնքների խոշորացումից հետո 2017թ. նոյեմբերի 11-ին ստանձնել է ՀՀ Կոտայքի մարզի Ակունք խոշորացված համայնքի ղեկավարի պաշտոնը և աշխատում է մինչև օրս: Ամուսնացած է , ունի երկու որդի, մեկ դուստր: