Կոտայքի մարզի Ակունք համայնքի ղեկավարի, 29 դեկտեմբերի 2025թ. թիվ 1147-Ա որոշմամբ,  համաձայն <Տեղական ինքնակառավարման մասին> օրենքի 3-րդ հոդվածի 1-ին մասի 24-րդ կետի, 43-րդ հոդվածի 1-ին մասի 4-րդ ենթակետի, <Վարչարարության հիմունքների և վարչական վարույթի մասին> օրենքի 30-րդ հոդվածի 1-ին մասի <Բ> կետով, 34-րդ հոդվածով, ՀՀ Հողային օրենսգրքի 43-րդ հոդվածի 1-ին կետի 2-րդ ենթակետի համաձայն, հիմք ընդունելով Ակունք համայնքապետարանի աշխատակամի աշխատակից՝ հողաշինարար Րաֆֆի Գասպարյանի կազմած արձանագրությունը,  հարուցվել էր վարչական վարույթ, այն խախտման հիմքով, որ թիվ 07-049-0225-0038 կադաստրային ծածկագրով հողամասը՝ գյուղատնտեսական նշանակության այլ հողատեսքը օգտագործվում է ոչ գործառնական նշանակությամբ՝  օգտագործվում է որպես այգի:

Ակունքի համայնքապետարանում 20 հունվարի 2026 թվականի վարչական վարույթի լսումների ընթացքում վարույթի մասնակից Լևոն Բախշիկի Գալստյանը հայտնեց, որ տվյալ հողամասը արդեն իսկ գործող այգիով 2004 թվականին վարձակալել է իսկ 2012 թվականին աճուրդ վաճառքով ձեռք է բերել որպես գյուղատնտեսական նշանակության այլ հողատեսք չիմանալով որ հողամասը պետք է լիներ գյուղատնտեսական նշանակության այգի որպեսզի կարողանար հիմնել այգի:

<<Վարչական իրավախախտումների վերաբերյալ>> օենսգրքի 40-րդ հոդվածի համաձայն՝ վարչական տույժ նշանակելը վարչական իրավախախտում կատարած անձին չի ազատում այն պարտականության կատարումից, որը չկատարելու համար նշանակվել էր վարչական տույժ: 

<< Վարչական իրավախախտումների վերաբեյալ>> օրենսգրքի 54-րդ հոդվածի 2-րդ մասի համաձայն հողամասերի գործառնական նշանակությունը և հողատեսքերի ինքնակամ փոփոխելը՝ առաջացնում է տուգանքի նշանակում քաղաքացիների նկատմամբ՝ սահմանված նվազագույն աշխատավարձի հիսնապատիկի չափով:

Ելնելով վերոգրյալից, հիմք ընդունելով <Վարչական իրավախախտումների մասին>Հայաստանի Հանրապետության օրենքի 54-րդ հոդվածը՝ որոշեցի․

1. Քաղաքացի՝ Լևոն Բախշիկի Գալստյանին ենթարկել վարչական պատասխանատվության «Վարչական իրավախախտումների վերաբերյալ» օրենսգրքի 54-րդ հոդվածով նախատեսված արարք կատարելու համար և նշանակել տուգանք 50.000 / հիսուն հազար / ՀՀ դրամ:
2. Պարտավորեցնել տուգանքի գումարը վճարել Ակունքի համայնքապետարանի 900105203104 հաշվեհամարին:
3. Սույն որոշումն ուժի մեջ է մտնում այն ստանալու հաջորդ օրը և կարող է վարչական կարգով բողոքարկվել Հայաստանի Հանրապետության վարչական դատարանին՝ երկամսյա ժամկետում:
4. Որոշումը ուժի մեջ է մտնում ստորագրման օրվանից