Համաձայն 2025 թվականի ապրիլի 09-ին « ԱՐԱՅԻԿ ԲԱԲԱՅԱՆ ՕՆԻԿԻ » անհատ ձեռնարկատիրոջ կողից կատարված չափագրությամբ պարզվել է որ « ԼԵՅՄԱՆՍ ՄԱՅՆԻՆԳ » ՍՊԸ-ին պատկանող թիվ  07-036-0114-0183, 07-036-0114-0189 և 07-036-0114-0191  կադաստրային ծածկագրերով  գյուղատնտեսական նշանակության արոտավայրերը ընկերության կողմից օգտագործվում են ոչ նպատակային՝ ընդերքօգտագործման նպատակով։   

Վարչական ակտ ընդունելու հիմնավորումը.

Համաձայն <<Վարչական իրավախախտումների մասին>> Հայաստանի Հանրապետության օրենսգրքի 32-րդ հոդվածի տույժ նշանակելիս հաշվի են առնվում կատարված իրավախախտման բնույթը, խախտողի անձը, նրա մեղքի աստիճանը, գույքային դրությունը, պատասխանատվությունը մեղմացնող և ծանրացնող հանգամանքները:

<<Վարչական իրավախախտումների վերաբերյալ>>  օրենսգրքի 40-րդ հոդվածի համաձայն՝ վարչական տույժ նշանակելը վարչական իրավախախտում կատարած անձին չի ազատում այն պարտականության կատարումից, որը չկատարելու համար նշանակվել էր վարչական տույժ: 

<<Վարչական իրավախախտումների վերաբերյալ>>  օրենսգրքի 54-րդ հոդվածի 1-ին մասի համաձայն՝ հողամասերը ոչ նպատակային նշանակությամբ օգտագործելը՝ առաջացնում է տուգանքի նշանակում քաղաքացիների նկատմամբ՝ սահմանված նվազագույն աշխատավարձի հարյուրապատիկի չափով։

Հաշվի առնելով վերը նշված փաստական ու իրավական հիմնավորումները և հիմք ընդունելով <<Վարչական իրավախախտումների վերաբերյալ>>  օրենսգրքի 9-րդ հոդվածի 1-ին մասը, 10-րդ, 32-րդ, 40-րդ, 54-րդ հոդվածի 1-ին մասը և <<Տեղական ինքնակառավարման մասին>> օրենքի  35-րդ հոդվածի 1-ին մասի 24-րդ կետը, 43-րդ հոդվածի 1-ին կետի 4-րդ և 5-րդ ենթակետի պահանջները. որոշում եմ.

1.< ԼԵՅՄԱՆՍ ՄԱՅՆԻՆԳ> ՍՊԸ-ին ենթարկել վարչական պատասխանատվության <<Վարչական իրավախախտումների վերաբերյալ>> օրենսգրքի 54-րդ հոդվածի 1-ին կետով նախատեսված արարքներ կատարելու համար և նշանակել տուգանք 300 000 / երեք հարյուր հազար / ՀՀ դրամ:

2.Պարտավորեցնել տուգանքի գումարը վճարել Ակունքի համայնքապետարանի / 900105203104 / հաշվեհամարին:
3.Սույն որոշումն ուժի մեջ է մտնում այն ստանալու հաջորդ օրը և կարող է վարչական կարգով բողոքարկվել Հայաստանի Հանրապետության վարչական դատարանին՝ երկամսյա ժամկետում: