Հարգելի՛ Ակունք համայնքի բնակիչներ, ինչպես գիտենք, 2019 թվականի ապրիլի 9-ին Հայաստանի Հանրապետության Ազգային ժողովն ընդունեց «Տոների և հիշատակի օրերի մասին» Հայաստանի օրենքում լրացում կատարելու մասին օրենքը, որի արդյունքում «Տոների և հիշատակի օրերի մասին» Հայաստանի օրենքի նոր 4.1 հոդվածով սահմանվեց Քաղաքացու օրը, որ համաձայն այդ հոդվածի, նշվում է ապրիլի վերջին շաբաթ օրը։
Քաղաքացու օրվան ընդառաջ ապրիլի 28-ին՝ ժամը 15։00-ին, Ակունքի համայնքապետարանի նիստերի դահլիճում տեղի կունենան հանրային քննարկումներ քաղաքացիների առջև ծառացած խնդիրների պատճառները վեր հանելու, դրանց ուղղությամբ անհրաժեշտ քայլեր ծրագրելու համար։ Քննարկումներին հատկապես կարևոր է 14-18 տարեկան դեռահասների մասնակցությունը։
Քաղաքացու օրը կարող է և պետք է դառնա քաղաքացիական երկխոսության օր, երբ տարբեր սերունդներ միատեղվում են՝ տարբեր հարթակներում պետության և հանրության հուզող հարցերը քննարկելու, քաղաքացիների և պետության անելիքները այդ շրջանակում վեր հանելու համար։
Հարգանքով՝ Ակունքի համայնքապետարան։