Ղեկավարվելով«Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով,առաջնորդվելով Եվրոպական միության կողմից իրականացվող «Քաղաքապետերի դաշնագիր հանուն կլիմայի և էներգիայի» նախաձեռնության դրույթներով՝ համայնքի ավագանին որոշում է՝

1.Հաստատել Հայաստանի Հանրապետության Կոտայքի մարզի Ակունք համայնքի միանալը Եվրոպական միության կողմից նախաձեռնված և իրականացվող«Քաղաքապետերի դաշնագիր հանուն կլիմայի և էներգիայի»նախաձեռնությանը:

2.Սույն որոշման ուժի մեջ մտնելու պահից երկու տարվա ընթացքում, Եվրոպական Հանձնաժողովի «Քաղաքապետերի դաշնագիր՝ Արևելք» տարածաշրջանային ծրագրի և այլ գործընկերների աջակցությամբ, Դաշնագրի շրջանակներում մշակել Հայաստանի Հանրապետության Կոտայքի մարզի Ակունք համայնքի Կայուն էներգետիկ զարգացման և կլիմայի պահպանության գործողությունների ծրագիրը (Sustainable Energy and Climate Action Plan), որում կամփոփվեն մինչև 2030թ. համայնքի թիրախային բնագավառներում ջերմոցային գազերի արտանետումներն առնվազն 35%-ով նվազեցման, ինչպես նաև համայնքի կլիմայի փոփոխության հանդեպ դիմակայունության բարձրացմանն ուղղված գործողությունները և միջոցառումները:

3.Մինչև 2024թվականը նշանակել Հայաստանի Հանրապետության Կոտայքի մարզի Ակունք համայնքի Կայուն էներգետիկ զարգացման և կլիմայի պահպանության գործողությունների ծրագրի մշակման պատասխանատու էներգետիկ կառավարիչ:

4.    Սույն որոշումն ուժի մեջ է մտնում ընդունման օրվանից: